Nakabaton ang 1,500 ka mga mangunguma sa Roxas City sang family food packs (FFP) gikan sa Department of Social Welfare and Development (DSWD), subong nga adlaw, Hulyo 11.
Sa datos, 15 tanan ka mga barangay ang nakabaton sang nasambit nga foodpacks, ini amo ang Bolo, Bato, Dinginan, Milibili, Bago, Cabugao, Jumagicjic, Liong, San Jose, Adlawan, Lanot, Balijuagan, Lonoy, Loctugan, kag Sibaguan.
Suno kay City Agriculturist Mary Ann Baria, personal nga ginhinyo sang City Government sa DSWD ang amo nga foodpacks agud makabulig kag makapiyan-piyan sa mga mangunguma nga naapektuhan sang El Niño.| Ken Mark Gicalde
