Hinihiling ng mga tricycle operators and drivers sa Sangguniang Panlungsod ang dagdag na 3 pesos sa minimum na pamasahe sa lungsod ng Puerto Princesa.
Ayon kay Efnie Lusoc, Federation President PPC-TODA, mula sa 12 pesos na minimum na pamasahe ay nais nilang gawin itong 15 pesos.
Iginiit nito na tanging minimum lamang ang nais nilang dagdagan habang mananatili naman ang 2 pesos na dagdag sa bawat kilometro.
Bunsod umano ito ng mataas na presyo ng gasolina at ang pagmahal ng piyesa ng sasakyan.
Dagdag pa ni Lusoc, habang pinag-uusapan pa sa City Council ang dagdag minimum na pamasahe ay hiling nito na magkaroon muna ng subsidy sa gasoline ng mga namamasadang tricycle.
