MOKABAT sa 15 ka piniriso sulod sa General Santos City Jail ang nataptan og pulmonary tuberculosis, base sa ilang datus.
Gisiguro usab sa pangulohan sa Bureau of Jail Management and Penology (BJMP) – GenSan nga kasamtangang naka-isolate ug giatiman na sa doktor ug nurses.
Gawas sa pagkanaog sa mga barangay sa gensan, aron pangetaon ang tawong natakboyan og TB, nagapahigayon usab sila og TB screening sa mga inmate sulod sa City Jail, butyag ni Dr. Paul Christopher Ramos, communicable disease medical coordinator.
Ginaadtoan usab nila ang pasilidad aron mohatag og mga tambal sa mga nasuta nga nakaangkon sa maong sakit. Sa bahin ni Jail Officer 2 (JO2) Ropemar Doce, nurse sa maong pasilidad, human masuta nga nakaangkon sa maong sakit ang usa ka inmate.
Gilayon nila kining, ginabutangan sa isolation aron tambalan kauban sa nagmonitor ang mga naa sa rural health unit (RHU) sa Barangay Apopong. Ang pagbulag kanila sa ubang inmate sa pasilidad ang aron malikayan ang pagtakdanay tungod ang TB ang usa ka airborne disease. Sa karon naa sa 1,100 kapin ang inmate sulod sa male dormitory sa GenSan City Jail. I Richel Gubalani
