LEGAZPI CITY – Aabot umano sa 18K na aso ang nababakunahan pa lamang sa Legazpi City.
Ito ang inihayag ni Dr Emmanuel Estipona ng City Veterinary Office sa Brigada News Fm Legazpi.
Ayon kay Estipona, 15 Barangay na lang ang kanilang babakunahan ng mga aso sa lungsod.
Aniya, kailangan tapusin ang dog vaccination sa natitirang barangay bago magtapos ang buwan ng Oktobre upang matutukan na rin ang stray dog elemination at iba pang aktibidad patungkol sa mga aso.
Araw araw naman naisasagawa ang pagbakuna sa mga alagang hayop kung saan 55 barangay ang kanilang natapos na.
Sinabi ng opisyal sa oras na matapos ang dog vaccinations sa mga barangay ay inaasahan din sa buwan ng Nobyembre ay tututukan din ng mga ito ang mga responsible pet owners upang mabigyan rin ng hustisya ang mga aso.
