Hugtanon gihapong gihimakak sa 15-anyos nga dalagita nga sa iyang bag-ong gihimugso ang tiil sa baby nga unang napalgang gitangag sa iro sa Purok sa Barangay Gumalang, Baguio District, Davao City.
Kini human gikumpirma sa Baguio Police Station pinaagi ni COP PMajor Archilles Barguio nga nanganak ang maong dalagita base sa gihimong paghiling sa mga doktor ngadto kaniya.
Sigon sa opisyal nga mibalibad sa pagkooperar ang dalagita alang sa himoong lawum nga pagsubay sa insedente.
Gikatakda matud pa nga ipagawas ang medical certificate sa dalagita samtang nakig-alayon na ang otoridad ngadto sa City Social Welfare and Development alang sa discernment ug intervention sa gitawag nga biktima sa sitwasyon.
Sa karon ginahulat pa sab ang autopsy report ug DNA sa narekober nga tiil sa baby samtang gikustudiya una sa social waorker office ang maong dalagita. BNFM-DAVAO
