Natalana nga makabaton sang tig-P5,000 nga financial assistance gikan sa Department of Social Welfare and Development (DSWD) ang 144 tanan ka pamilya nga naapektuhan sang pagbaha tuga sang Bagyong Paeng sang nakaligad nga tuig sa Brgy. Lanot, sining syudad.
Ini ang ginkumpirmar ni Kapitan Rolando “Totong” Tuazon sang ma-interview sang Brigada News FM Roxas City.
Suno kay Tuazon, ang tanan nga nabahaan sa ila lugar ang makabaton gid sang ayuda sa masunod nga semana kag wala ini sang pinilian.
Dugang pa sini, sa Hunyo 12, Miyerkules nga adlaw dululungan nga makabaton sang financial assistance ang 9 ka mga kabarangayan sa syudad sang Roxas.
Lakip dire ang Barangay Loctugan, Bago, Adlawan, Cabugao, Lonoy, San Jose, Humaguicjic kag Lanot. Matandaan sadtong paglaslas sang Bagyong Paeng sang nakaligad nga bulan sang Oktubre 2022, madamo sang mga kabalayan ang nagkalawasak, kaumahan kag iban pa nga pananom ang nalumos sa tubig-baha. | Judy Ann Juare
