GIPUTLA’G kuryente sa electric cooperative ang 14 ka public schools samtang 21 pa ka eskwelahan ang dunay milyon unpaid electric bills.
Kini ang rebelasyon sa personahe sa South Cotabato Electric Cooperative (SOCOTECO) sa sesyon nga gikakurat sa mga konsehal.
Matud ni Engr. Jefferson Pia, area operation department head sa SOCOTECO-II ang 14 ka eskwelahan ang apel sa massive disconnection nila nakalabay’ng bulan. Apan human nag-settle ang uban sa ilang bayranon sama sa paghatag og promissory note nabalik ang ilang supply sa kuryente.
Asa duha na lang ka eskwelahan karon ang wala pa’y kuryente human naputlan. Gawas kini sa 21 ka eskwelahan nga dunay kinatibuk-ang P3.6 milyon nga utang ilawom sa Sheep program sa LGU atong 2011.
Asa dunay mga room ang maong mga eskwelahan nga gigamit sa LGU alang sa computer literacy program nga kaniadto gi-subsidize.
Gimanduan na ni Isagani Dela Cruz, Schools Division Superintendent sa DepEd- GenSan sa mga magtutudlo nga mangeta og paagi aron makabayad sa kuryente. Posible usab maglusad og inquiry kalabut niini ang city council, butyag ni Konsehal Froebelle Kan Balleque.
Ang DepEd- GenSan ang dunay Maintenance and Other Operating Expenses (MOOE) matag tuig. I Richel Gubalani
