Pinangunahan ni Pangulong Bongbong Marcos kaninang umaga ang pagbibigay parangal sa 13 mining companies sa bansa na kabilang sa 2023 Presidential Mineral Industry Environmental Award Ceremonial Awarding.
Sila ang napili mula sa 35 sinala at dumaan sa evaluation ng PMIEA Selection Committee.
Kabilang dito ang Cagdianao Mining Corporation; CTP Construction and Mining Corporation, Eramen Minerals Inc, Hinatuan Mining Corporation, FCF Minerals Corporation, Zambales Diversified Metals Corporation, Taganito Mining Corporation at Republic Cement and Building Materials Inc sa Batangas.
Kasama ring awardees ang Eagle Cement Corporation, Helix Resources and Development Corporation, Republic Cement and Building Materials Inc. sa Teresa Rizal, Coral Bay Nickel Corporation at Philippine Mining Service Corporation Alcoy Plant.
Sa kanyang talumpati, sinabi ni Pangulong Marcos na ang taunang pagkilala ay pagtatampok sa pagsisikap ng mga mining groups and companies na makamit ang ligtas, makakalikasan, at socially responsible operation.
Hinimok din nito ang mga awardees na patuloy na itaguyod ang responsableng pagmimina at ibahagi ang kanilang mga experiences at best practices hindi lang sa kanilang mga kasamahan, kundi pati na rin sa susunod na henerasyon ng mga miners, engineers, at environmentalists.
