Heaos naging abo ro 13 ka mga motorisklo matapos raya nga ginsunog it mga ginapatihan nga mga miyembro it New People’s Army terrorist group sa Barangay Igcabugao, Igbaras ku Marso 22.
Base sa pahayag it 3rd Infantry Division it Philippine Army, naka-park ro mga motorsiklo sa sambilog ka baeay, pilang kilometro eamang ro eayo sa patrol base it CAFGU.
Base pa sa report, may lima nga miyembro it NPA nga naka-sibilyan ag gintutukan it baril ro tag-ana it baeay bago pa man ginsunog ro mga motorsiklo.
Ro mga saeakyan hay ginapanag-iyahan it CAFGU members ag pila ka mga sibilyan.
Sa presente, padayon man ro operation it militar ag sa heightened alert man ro mga kaeapit nga Army patrol bases sa lugar./JIL B. LACSON
