DUNGAN sa pagbalik face to face sa klase human ang usa ka semana nga pagtay-og sa kusog linog atong Nobyembre 17, pipila pa ka classroom sa tulunghaan sa Gensan ang dili pa magamit.
Nagpahigayon og ‘shifting’ ug reassignment sa classroom sa mga estudyante ang pipila ka tulunghaan sa GenSan. Human nakitaan og ‘non- structural’ damage ang pipila ka classroom sa mga tulunghaan sa Barangay Labangal, Dadiangas West ug Tinagacan.
Dungan niini, mihangyo si Isagani Dela Cruz, schools division superintendent sa Department of Education (DepEd) og budget ug structural engineers aron ayohon ang mga nakitang damage.
Dugang ni Dela Cruz, ang mga bag-ong tukod nga school building sa Gensan ang earthquake resilient na. Kahibaloan nga human ang re-assessment sa DepEd ug LGU sa mga schools building, gibalik na ang klase sa tanang level sa GenSan. I Richel Gubalani