Umabot sa 13% ka mga residente it Aklan ro naturukan it andang mga booster shots kuntra sa COVID-19 virus.
Base pa sa pinakaulihi nga report, kapin sa 16% it populasyon it probinsiya o 10,679 ka mga indibidwal nga may edad 60 dag-on pataas ro nakabaton it andang pangatlong Covid-19 vaccines, ag masobra 12% nga sa edad 18-59 ro nabakunahan man it booster doses.
Haeos 81% o 55,230 it 12 hasta 17 dag-on hay naturukan man it booster shots.
Sa presente, 317,597 katawo sa edad 18 dag-on pataas ro fully vaccinated eun, ag 45,478 senior citizens man ro nakapaturok it andang second dose.
Umapela man si Aklan Governor Florencio Miraflores sa tanan nga pumueoyo it propbinsya nga mapagpabakuna eun kuntra sa COVID-19 kaeakipman ro pagpapaturok it booster shots./JIL B. LACSON
