Temporaryo nga ginsuspinde it Department of Social Welfare and Development (DSWD) ro pagta-o it cash grants sa 500 Indigenous Peoples (IPs) nga benepisyaryo it Modified Conditional Cash Transfer (MCCT) sa probinsiya it Antique.
Base sa pahayag ni Antique provincial Pantawid link Jeffrey Gabucay, gin-advisan sanda it central office nga suspendihon anay ro pagpanupod hasta sa maisapinal eun ro enumeration sa National Household Targeting System (NHTS) o ro “Listahanan” it mga pangaean it mga pobre nga pamilya.
Ro temporaryo nga suspension it mga cash grant hay nagsunod man sa Republic Act 11310 o Pantawid Pamilyang Pilipino Program (4Ps) Act nga nakasaad nga ro DSWD hay dapat magpili it mga kwalipikado nga mga benepisyaryo para sa 4Ps .
Sa pihak kara, gin-advisan man ro mga benepisyaryo nga magsunod sa mga kondisyon it programa agud uwa it magiging problema sa pag-release it andang grant./JIL B. LACSON
