Patay nang midangat sa tambalanan ang usa ka 13 anyos nga batang lalaki human nga nakuryentehan pasado alas 11 sa buntag kagahapon, Martes, Hulyo 23, 2024 sa dakbayan sa Bogo.
Ang biktima giila nga si Alyas Janjan 13 anyos ug residente sa Purok Mabungahon Barangay Guadalupe sa nahisgutan nga dakbayan.
Matud ni Police Lieutenant Colonel Allan Rosario, Hepe sa Bogo City police Station, Kagahapon sa udto atol sa kusog nga unos ug uwan adunay nadunggog nga mipaka ug naputol ang wire sa kurente. Naatol nga si Alyas Janjan milabang sa dan og naigo ang lawas niini sa wire hinungdan nga nakuretinhan.
Gisuwayan pa unta kini og luwas/ ang kinabuhi sa 13 anyos /apan patay na nga midangat sa Cebu Provincial Hospital sa dakbayan sa Bogo.
