Agud masiguro ro mahilway nga eleksyon sa pagboto makarang adlaw, may kabieogan nga 12,000 ka mga katapo it Police Regional Office 6 (PRO-6) ro nakadeploy sa bieog nga rehiyon.
Kapin sa 5,000 man it mga tinawo it 3rd Infantry Division (3ID) ag 600 nga mga tinawo it Philippine Coast Guard ro magiging kabulig it PNP.
Uman man nga ginpahanumduman ni Police Lieutenant Colonel Arnel Solis, PRO-6 information officer nga dapat mapadayon nga neutral ro mga kapulisan ag mag-focus eamang sa pag-secure it mahilway nga eleksyon.
Sa pihak nga bahin, ginlinaw ni 3ID commander Major General Benedict Arevalo nga sa tunga it pag-deploy it mga tropa it militar sa mga voting precinct, mas maabo gihapon nga ro suldado nga sa combat mode enkaso nga may matabo nga insurgency./JIL B. LACSON
