Nag abot sa 1,154 ro mga bag-ong nakarekober halin sa covid-19 virus base sa Covid-19 Regional Case Bulletin as of February 5, 2022.
Samtang nakalista man kahapon it 645 nga mga bag-ong kaso it covid-19 sa bilog nga Western Visayas.
Ro probinsya it Iloilo ro may pinakamaabung bag-ong kaso nga umabot sa 217 nga sinundan it Iloilo City nga may 130.
Ro probinsya it Aklan hay nakalista it 33 bag-ong kaso it covid-19 ag 16 ro namatay kahapon bangud sa virus. / ANN DESLENE SALAZAR
