NAGA CITY- Pinapayagan na simula kahapon Dec. 13, 2021 na makapasok sa mga business establishments, simbahan at pook sambahan gayundin ang makapunta sa mga pampublikong lugar ang mga batang edad 11-anyos pababa sa Naga City kung fully vaccinated na ang magulang o kasamang guardian.
Ito ang nakasaad sa bagong guidelines na inilabas ng Naga City Health Emergency Response Task Force.
Ngayong papalapit ang pasko, inaasahan ang pagdagsa ng mga mamimili sa mga supermarkets at malls , bagay na pinaghandaan na ayon kay Coun. Joe Perez ng Committee on Consumer Protection.
Gayunpaman nasa datus na 16-libo pa ang kailangan mabakunahan sa Naga City ng 1st dose laban sa COVID-19 bago matapos ang 2021, upang maabot ang 70% ng 209K population upang makamit na ang inaasamsasam herd immunity. Marami mang kailangang bakunahan, isa ang Naga sa mataas ang vaccination performance sa Bicol.
Sa record ng City Analytics Team kasama ang Ateneo de Naga – Institute for Environmental Conservation and Research patuloy ang pagsadsad ng trendline ng COVID-cases sa business hub na pilgrim City.
