LEGAZPI CITY – Naging matrayumpo an isinagibong Bicol University Hataw 2023 kan nasambit na unibersidad kasuhapon, Oktubre 24.
Pigkakalkulong 10,000 katawo hale sa unibersidad an nagpartisipar sa nasambit na aktibidad.
Dakol an nagpartisipar huli ta dakol an mga hale sa satellite campuses kan BU.
Pinuonan an aktibidad sa sarong opening parade kun sain nagtiripon an mga estudyante, atleta asin coaches, kaibahan an College Student Council Officers, academic deans and directors, University Athletic Board, college sports coordinators, tournament managers, faculty members, asin iba pang stakeholders kan BU sa Albay Sports Complex.
Mientrastanto, apwera man sa Hataw, laoman su boot an manlaen-laen pang aktibidad katakod kan pagsasagibo kan BU Olympics 2023.
