Dakop sa akto ang 10 tanan ka tripulante nga nagapatigayon sang iligal nga pagpangisda ukon “Palopad” sa kalalawran nga sakop sang Panay, Capiz pasado 1:00 kaina sang kaaganhon, Oktubre 5.
Ginkilala ang mga nagkaladakpan nga sanday Richard Dela Cruz, 44-anyos, boat captain; Mga Crew: Rito Candelario, 31-anyos; Rolan Candelario, 24-anyos; Mario Baylon, 50-anyos; Gary Aguilar, 48-anyos; Rolando Villa, 44-anyos; Carl Sanqui, 23-anyos; Remart Alon, 26-anyos; Recar Pariado, 25-anyos; Roland Candelario, 22-anyos lunsay mga residente sang Brgy. Culasi, Roxas City.
![](https://i0.wp.com/brigadanews.ph/wp-content/uploads/2023/10/image-1-1024x1024.png?resize=1024%2C1024&ssl=1)
Narekober sa ila paghinakop ang 1 unit sang pump boat, 1 unit sang motor engine, fishing net with complete accessories kag mas o menus 150 kilos sang nagkalain-lain nga sahi sang isda kag ginabanta nagabalor sang P30,000.
Magapangatubang ang mga ini sang penalidad nga paglapas sa Municipal ordinance No. 03-02 series of 2003.
Sa karon, ginkustodiya sa MENRO Panay ang mga nagkaladakpan lakip ang mga nakumpiskar nga kagamitan para sa nagakaigo nga disposisyon. | Judy Ann Juare