Arestado sang mga kapulisan ang ginakabig top 1 most wanted person sa Ivisan kag top 4 naman sa provincial level matapos ginserbihan sang warrant of arrest sa Brgy. Balijuagan, Roxas City takna alas 6:40 kagab-i sang Miyerkules, Setyembre 4.
Ginkilala ang akusado kay Darwin Aurelio, 42-anyos kag residente sang Brgy. Basiao, Ivisan.
Nagapangatubang sang kaso nga Rape ukon pagpanghimulos si Aurelio.
Ang nasambit nga warrant ang gin-isyu kag ginpermahan ni Judge Faustino Roxas, Regional Trial Court, 6th Judicial Region, Branch 14, Roxas City, Capiz.
Wala naman sang piyansa nga ginrekomendar ang korte sa iya temporaryo nga kahilwayan.
Sa karon, nakahunong ini sa kustodiya sang Roxas City PNP para sa nagakaigo nga disposisyon kag natalana nga i-turn over sang iya court of origin. | Judy Ann Juare