Mipasalig ang LGU sa lungsod sa Jasaan, Misamis Oriental nga hatagan og tabang ang 10 ka pamilya nga nasunugan sa Purok Kilowang, boundary sa Kimaya ug Luz Banzon.
Sa gipagawas nga mensahe ni Jasaan Mayor Red Jardin gibutyag niini nga gipaubos na sa assessment sa Dept. of Social Welfare and Development ang nahisgutang pamilya aron matunulan sa ayuda.
Subay niini, mapasalamaton ang LGU sa Bureau of Protection Jasaan sa pagpanguna ni SFO4 Antonio Salugsugan ug sa Municipal Disaster Risk Reduction Management Office sa pag-atiman ug paghatag aksyon sa insidente.
Kahibaloan nga una nang migawas sa imbestigasyon sa BFP nga muabolt sa 300,000 ang gibana-bana nga damyos sa mga panimalay nga nasunog nga gama polus sa light materials. Subli sab nga nanawagan ang BFP sa katawhan nga mahimong alerto aron likay sa susama nga insidente sa sunog.
