LEGAZPI CITY – Binigyang-pagkilala ng Albay Provincial Health Office (PHO) ang nangungunang 10 government birthing facility na tinukoy ng Department of Health (DOH) Bicol dahil sa paghahatid ng Newborn Screening (NBS) Program sa una at ikalawang quarter ng taong 2023.
Kabilang dito ang Polangui Rural Health Unit, Pantao District Hospital, Legazpi City Hospital, Tiwi Rural Health Unit, Dr. Lorenzo P. Ziga Memorial District Hospital, Ina at Anak K-linik, Rapu-rapu District Hospital (RRDH), Pio Duran Memorial District Hospital (PDMDH), Josefina Belmonte Duran Albay Provincial Hospital, at Paulba BEmONC.
Ito’y kasunod ng pagbisita ng provincial NBS program coordinator sa naturang mga pasilidad nito lamang nakaraang linggo, kung saan ibinigay sa mga ito ang Certificate of Commendation ng DOH Bicol.
