Nasawi ang dalawang miyembro ng NPA matapos ang sagupaan sa pagitan ng kanilang grupo at ng 95th Infantry Battalion kaninang umaga sa Barangay San Carlos, Gattaran, Cagayan.
Sa inisyal na impormasyong ibinahagi ng 5th Infantry Division, Philippine Army, tumagal ng limampung minuto ang nangyaring sagupaan.
Kinumpirma na isang babae at isang lalaki mula sa panig ng NPA ang nasawi habang wala namang casualty sa pwersa ng pamahalaan.
Narekober naman mula sa pinangyarihan ng engkwentro ang iba’t ibang kagamitan.
Sa ngayon ay inaalam pa ng 5th ID, PA ang pagkakakilanlan ng mga nasawi.
