Walang naitalang paggalaw sa presyo ng mga prutas isang araw bago ang Noche Buena sa Lungsod ng Cauayan.
Sa panayam ng 92.9 Brigada News FM Cauayan kay Olive Espinosa, Fruit Vendor sa National Highway ng Brgy. Cabaruan, wala aniyang pagbabago sa mga presyo ng mga prutas na karaniwang inihahain tuwing pasko at bagong taon.
Dagdag pa ni Espinosa, hindi na rin aniya sila magtataas ng presyo sa mga araw bago ang Media Noche.
Samantala, matumal pa sa ngayon ang bentahan ng mga prutas subalit umaasa ang mga tinder na sa darating na bagong taon ay magdadagsaan na ang mga mamimili.
Hinihikayat naman ng mga tindera ang publiko na habang maaga pa ay bumili na sila ng mga prutas para hindi na sila makipagsiksikan sa mga susunod na araw.
