Aabot sa 1,100,000 na tilapia at hito fish seeds ang natanggap ng mga mangingisda sa San Isidro, Diffun, Quirino.
Ito ay matapos magsagawa ang Bureau of Fisheries and Aquatic Resources Region 02 ng distribusyon kung saan nasa limang-daan na mangingisdang kabilang sa Indigenous People Group at ELCAC communities ang nakinabang.
Bukod dito, kabilang din sa mga nabigyan ang mga labis na naapektuhan ng nagdaang mga bagyo at nawalan ng pangkabuhayan.
Inaasahang ang naibigay na fish seeds sa mga benepisaryo ay makapagbabalik ng sapat na produksyon ng mga nasabing isda at mapalago ang pangkabuhayan ng mga ito.
