Naniniwala si Senate Blue Ribbon Committee chairman Sen. Richard Gordon na na-korner na si dating Presidential adviser Michael Yang kaya nagpasaklolo na ito sa Supreme Court.
Ayon kay Gordon bahagi lang ng pagpaikot sa senado ang ginawang pagdulog ni Yang sa Korte Suprema.
Natatakot umano ang Davao-based businessman dahil posibleng mabulatlat sa Senado ang umanoy mga katiwalian na kinasasangkutan nito.
Iginiit naman ni Gordon na hindi sila pwedeng pigilan ng Korte sa pagsasagawa ng mga hearings at inquiry in aid of legislation.
Nabatid na kahapon ay inihain ni Yang sa Korte Suprema ang Petition for Certiorari and Prohibition na humihiling sa ipawalang-bisa ang arrest warrant na inilabas ng Senado at pagsilip sa mga business transaction ng kanyang mga kumpanya.
