Ginrekomenda it Western Visayas Regional Inter-Agency Task Force (RIATF) ag Regional Task Force (RTF) for the Management of Emerging Infectious Diseases ro pagpataas it quarantine classification sa probinsya it Aklan.
Raya hay matapos ro maid-id nga pagtuon ag diskusyon it Joint RIATF-RTF COVID-19 sa hinyo ni Aklan Governor Florencio Miraflores sa pagpataas it quarantine status it probinsiya halin sa general community quarantine (GCQ) with heigtened restriction sa modified enhanced community quaratine (MECQ) sa sueod it 15 diyas.
Madumduman nga naghinyo si Gov. Miraflores it mas mataas nga classification bangud sa padayun nga pagtaas it kaso it covid-19 sa probinsiya. / ANN DESLENE SALAZAR
