Owa it organized criminal groups (OCGs) sa Western Visayas, base sa pahayag it Police Regional Office (PRO-6).
Suno kay Police Lieutenant Colonel Joem Malong, PRO-6 spokesperson, owa pa it nadi-detect sa makarun nga OCG ro Regional Intelligence Division (RID).
Pero ginpasiguro it PRO-6 nga nagapabilin sanda nga nakabantay sa mga ginasugid nga nabilin nga ka-grupo it mga kriminal eabi eon ro may mga warrant of arrest matapos ma-dismantle ro mga raya ku nagtaliwan nga dag-on.
Ginpadumdom man ni regional police director Police Brigadier General Rolando Miranda, ro mga hepe it pulisya nga magpatigayun it mga operasyon kontra sa mga wanted person ag sa mga loose firearms. / ANN DESLENE SALAZAR
