Padayon nga nagataas ro mga kaso it mga indibidwal nga ginatamaan it dengue sa Western Visayas.
Base sa datos it Department of Health (DOH) sa sueod eamang it sangka dominggo may 266 ka mga bago-ng kaso ro narekord nga may sambilog nga pagkamatay.
Ro mga nasambitan nga mga kaso hay narekord sa ulihi nga daywang dominggo it Mayo.
Ro Negros Occidental ro may pinakamataas nga numero it mga bag-ong nareport nga kaso nga nagaabot sa 96, ginsundan it Antique nga may 84, probinsiya it Iloilo nga may 39, Capiz nga may 14, Bacolod City nga may 12, Aklan nga may walo, ag Iloilo City ag Guimaras nga may an-um.
May una man nga 110% nga pagtaas it kabieogan nga kaso it dengue sa Western Visayas makarang dag-on kumpara sa 808 nga mga kaso sa pareho nga tiempo ku nagtaliwan nga dag-on./JIL B. LACSON
