Gin classify eon nga “high risk” classification ru Western Visayas sa COVID-19 Pandemic suno sa Department of Health 6.
Sa press briefing it nasmabit nga taeatapan, Hunyo 14, gin kumpirmar ni Dr. Bea Camille Fillaro-Natalaray nga sumaka eon sa 7.12 ru average daily attack rate (ADAR) sa kada 100,000 population sa Western Visayas sa nakataliwan nga 2 Domingo.
Mas mataas kun ikompara sa 5.67 nga average daily attack rate sa nakataliwan nga 3-4 nga mga Domingo.
Makabig nga “high” kun mataas sa 7 ru average daily attack rate, “medium” kun 1 tubtob sa 7 samtang “low” naman kun mas manubo sa 1 ru ADAR.
Sa rehiyon, high risk ru classification it Iloilo City, Bacolod City, Aklan, ag Guimaras.
Moderate man sa probinsya ru Iloilo samtang low risk classification ru Antique, Capiz, ag Negros Occidental.
Suno sa DOH6, mass gathering ru gin halinan it pag-inabo it kaso sa rehiyon6 dugangan pa sa maid-id nga contact tracing it mga Local Government Units.//MARIVIC Y. ILIN
