LEGAZPI CITY – Arestado an sarong wanted person sa banwaan kan Guinobatan, Albay huli sa kasong pagbalgar sa Sec. 28 kan RA 10591 o an Comprehensive Firearms And Ammunition Regulation Act.
Susog sa report, naarestar an nasabing akusado sa kusog kan mandahamiento de aresto bandang alas 7:40 nin aga kasudma sa tabang kan pinagsararong esfuerso kan Guinobatan MPS, asin 1st Albay PMFC.
Sa ngunyan, nasa kustodiya na ini kan mga otoridad para sa magkakanigong disposisyon.
