Arestado ru sangka wanted person dahil sa pag-eabag sa illegal nga bueang sa Brgy. Camanci Norte, Numancia, Aklan.
Sa report, nakilaea ru wanted person nga si Armane Tabasa, 24 anyos it Brgy. Bulwang, Numancia, Aklan.
Nasayuran nga si Tabasa hay sambilog sa 4 nga gina usoy it mga kapulisan nga dumaeagan kat maghimo it operasyon ru Numancia MPS sa bueang ku Enero 27, 2022.
Gin aresto si Tabasa sa Poblacion Numancia it gin saniob nga pwersa it Lezo Numancia PNP, Numancia MPS ag Aklan Provincial Police Office.
Naka detianed sa makaron si Tabasa sa Numancia MPS para sa naga kaigo nga disposition.//MARIVIC Y. ILIN
