CAMARINES NORTE- Mababa pang masyado ang COVID- 19 vaccination coverage sa mga batang edad 5- 11 taong gulang sa lalawigan ng Camarines Norte.
Batay sa datos mula sa Provincial Covid- 19- Vaccination operation center 9, 503 pa lang o 9. 7 percent ang nababakunahan sa target na 97, 638.
Sa labingdalawang bayan, ang Capalonga ang nagtala ng pinakamataas na porsiento vaccination coverage sa ngayon para sa naturang age group.
Sa target na 5, 393 nasa 1, 352 na o 25. 1 percent ang nababakunahan.
Sinusundan ito ng Basud na mayroong 1, 358 o 22. 4 percent ng target na 6, 864.
Pumangatlo ang San Vicente, ang pinakamaliit na bayan sa lalawigan na mayroong 290 nabakunahan o 16. 7 percent sa target na 1, 738.
Ang capital town na Daet ay mayroon namang 11. 4 percent vaccination coverage sa naturang age group.
Sa target na 17, 545 nasa 2, 007 pa lang ang nababakunahan.
Ang Covid- 19 vaccination sa naturang age group ay sinimulan sa lalawigan noong Marso ng taong kasalukuyan.
