Arestado ro sangka eaeaki nga residente it Sitio Ilang-Ilang Street, Brgy. Andagao, Kalibo, Aklan it gintingob nga pwersa it 1st Aklan PMFC, New Washington MPS, Tracker Team AkPPO, Batan MPS ag Altavas MPS.
Inaresto raya sa gahum it warrant of arrest para sa kasong Alarm and Scandal nga gin-isyu ni HON. RHEA IMPERIAL VIDAL, Presiding Judge, Municipal Circuit Trial Court Sixth Judicial Region, New Washington-Batan, Aklan, nga may petsang September 22, 2022, ag may piyansang P3,000 para sa anang temporaryo nga kahilwayan.
Ro arestado hay sa kustodiya eon makarun it New Washington MPS para sa documentation ag proper disposition. / ANN DESLENE SALAZAR
