Hindi raw magbibigay ng palugit si Pangulong Bong Bong Marcos sa special task force na binubuo ng Department of Justice at National Bureau of Investigation para imbestigahan ang umiiral na agricultural smuggling sa Pilipinas.
Ayon kay Marcos, hindi siya mahilig magbigay ng deadline, pero nais niyang mapabilis ang imbestigasyon sa kaso.
Dagdag pa niya, hindi dapat hilaw ang resulta ng isasagawang pagsisiyasat.
Dahil dito, hahayaan umano ng Pangulo ang special task force na ipagpatuloy lamang ang kanilang imbestigasyon.
Samantala, nanindigan na si Marcos na mayroong malaking sindikato sa likod ng agricultural smuggling at patuloy daw na sinasabutahe ang ekonomiya ng bansa.
