Wala sang may nakumiter nga biolasyon ang ciudad sang Bacolod sa ginapatigayon sini nga monitoring kag pag-mentinar sang sanitary landfill sa Brgy. Felisa.
Ini ang ginbuy-an nga pahayag ni Councilor Carlos Jose Lopez, chairman sang Committee on Environment and Ecology sang Sangguniang Panlungsod sa pagpakig-angut sa iya sang Brigada News FM.
Suno kay Lopez iya gilayon gin-aksyunan ang reklamo nga ginpadangat sam iya talatapan sang mga Barangay sang Blumenttrit sa banwa sang Murcia kag Dulao sa ciudad sang Bago nga naga-alegar nga kontaminado sang higko gikan sa sanitary landfiil ang suba nga nasakupan sang ila mga barangay kun sa diin ang iya nangin suhestyon amo ang pagpatigayon sang joint inspection sa lugar upod sa Environmental Management Bureau sang Department of Environment and Natural Resources ( DENR ) nga amo nagkuha sang water sample para sa nagakaigo nga test kun sa diin ang resulta nagapahayag, indi masyado ka higko ukon kontaminado ang tubig sa suba.
