Diretso sa presinto ang 5 ka sugarol human naabtan sa kapolisan sa gipahigayon nga Illegal Gambling Operation sa Northern Binugao, Toril, Davao City niadtong milabayng gabii.
Sa report sa Toril Police Station giila ang mga dinakpan nga silang Arvin Valerio, Ricky Ereje, Mary Ann Longaket, Ronillo Neri, ug Niño Jay Dedomo.
Naabtan matud pa sa kapolisan ang lima nga nag-itsa-itsa og sinsilyo sa ring sa hantakan rason nga didto na sila gipang aresto ug nakumpiska ang antugan ug pusta nga balor P168.
Kasong paglapas sa PD 1602 o Illegal Gambling ang atubangon sa mga dinakpan. BNFM-Davao
