Inakusahan ni dating Davao Senior Police Officer Arturo “Arthur” Lascañas si Bise Presidente Sara Duterte ng pangunguna sa “Oplan Tokhang” sa Davao City sa panahon ng kanyang panunungkulan bilang alkalde noong 2012.
Humarap sa media si Lascañas, isang umanong dating miyembro ng Davao Death Squad (DDS), kasunod ng pagtatapos ng pre-trial investigation ng International Criminal Court (ICC) sa mga krimen lsa ilalim ng drug war ng administrasyong Duterte.
Nagsumite ang dating pulis ng 186-page affidavit sa ICC naglalaman ng impormasyon tungkol sa mga umano’y pagpatay na ginawa ni dating Pangulong Rodrigo Duterte at ang pagkakasangkot ng kanyang anak sa extrajudicial killings sa Davao City.
Sa huli, nanawagan si Lacsanas kay Pangulong Bongbong Marcos na mag-ingat at ‘wag maging kampante sa mag-amang Duterte, na inilarawan niyang “halimaw” ng Davao.
