CAMARINES NORTE- Nagtala ng pinakamaraming panalo ang Vinzons Pilot High School sa naganap na Regional Science and Technology Fair 2021-2022 nitong June 15-16, 2022.
Dahilan ito upang ang 7 sa 10 mga events na mula sa nasabing paaralan ang kakatawan sa Bicol Region upang maging kalahok sa darating na National Competition.
Kabilang sa mga kategoryang napanalunan ng mga estudyante ay ang Siyensikula, #STEMtokPeriments, Likha (Life Science) team, Likha (Phy Science) team, likha (Robotics & IM) individual, likha (Robotics & IM) team, Likha (Mathematics & Computational Science) Individual.
Ipinagmamalaki ng School Division Superintendent Nympha D. Guemo ang nasabing pagka-panalo ng mga mag-a-aral
Nagpapasalamat ang naturang opisyal sa katalinuhan ng mga mag-aaral kasabay ang pagbibigay ng payo sa mga ito na pagbutihin pa para sa darating na National Level
Ang nasabing Science and Technology Fair ay isinasagawa upang ipakita ang kakayahan ng mga mag-aaral sa pagtugon sa mga problema ng komunidad para paunlarin at i-maximize ang potensyal ng mga estudyante sa pagiging malikhain.
