Naniniwala ang tv host at aktor na si Vhong Navarro na gumagana pa rin ang justice system sa bansa.
Naglabas ng pahayag si Vhong sa live telecast ng Kapamilya noontime show na It’s Showtime ngayong araw matapos ilabas ng Supreme Court ang desisyon na walang probable cause na ginahasa ni Vhong si Deniece Cornejo noong January 17, 2014, at pinagtangkaang gahasain ang modelo noong January 22, 2014.
Inihayag ni Vhong na lubos ang pasasalamat niya sa mga taong hindi sumuko sa pagdadasal para sa kanya.
Nagpasalamat si Vhong sa kanyang mga kaibigan at pamilya maging na rin sa ABS-CBN na hindi raw siya hinayaang mawalan ng trabaho sa kabila ng kasong kinaharap.//CA
