Ikinatuwa ni Department Of Health officer-in-charge Ma. Rosario Vergeire ang naging laman ng unang State of the Nation Address ni Pangulong Ferdinand Bongbong Marcos Jr.
Ayon kay Vergeire welcome sa DOH ang mga inilatag na programa at plano ng Pangulo para sa sektor ng kalusugan.
Kabilang na dito ayon sa opisyal ay ang programang may kinalaman sa pagpapalakas ng vaccination drive ng pamahalaan.
Bukas din si Vergeire sa plano ng Pangulo na makapagtatag ng Center for Disease Control at Virology Institute of the Philippines.
Bagama’t hindi nabanggit ang Universal Health Care, nasabi naman umano ni Marcos ang importanteng components nito kabilang ang healthcare workers.
Welcome din kay Vergeire ang kagustuhan ng Presidente na pagpapatayo ng specialty hospitals sa buong bansa.
