Binigyang diin ng mga miyembro ng Vaccine Expert Panel (VEP) ng gobyerno, na ang single-dose ng Sputnik Light COVID-19 vaccine, ay “good candidate” para sa booster shot.
Ayon kay VEP member Dr. Ma. Liza Gonzales, matapos ang initial vaccination o natural infection, maari itong magamit sa revaccination regimens.
Samantala, sinabi naman ni Dr. Derick Sumalapao, na ang “revaccination” ng Sputnik Light para sa mga una nang nabakunahan ng Sputnik V, ay nagbibigay rin ng neutralizing antibodies laban sa Omicron variant, batay sa pag-aaral.
Sa kabila nito, binigyang diin ni Gonzales na ang efficacy ng mga bakuna laban sa variants of concern, ay mababa.
Pero sa kabuoan naman umano, iginiit ng mga health experts na ang mga bakuna ay patuloy na nagbibigay ng proteksyon laban sa severe COVID-19. //MHEL PACIA-TRINIDAD
