Inihayag ni Vaccine Expert Panel Chairperson Dr. Nina Gloriani na sang-ayon sila sa babala ng World Health Organization (WHO) patungkol sa Covid-19 surge sa susunod na dalawang buwan hanggang matapos ang eleksyon.
Ayon kay Gloriani, isa umano ang eleksyon sa mga pagtitipon kung saan posibleng makasalamuha ang ilang mga virus carrier.
Samantala, pinangangambahan nila ngayon ang mababang bilang ng mga nagpapabakuna lalo na ang booster shot kaya naman panawagan nila na kumpletuhin ang bakuna laban sa nakakahawang sakit.
Patuloy naman rekomendasyon ng grupo sa mga hindi pa nababakunahan na magpa-vaccine na upang makaiwas sa sakit gayong may napapabalita na namang sub-variant ng Covid-19. (ARGIE ERGINA)
