Inanunsyo ng Department of Health (DOH) na nakikipag-ugnayan sila Department of Education (DepEd) at sa local government units (LGUs) para i-facilitate ang pagbabakuna sa mga bata sa private at public educational institutions.
Sa ngayon, inaayos na lamang ang mga panuntunan para dito.,
Ayon kay DOH Usec. Myrna Cabotaje nakipag-usap at nakipag-ugnayan narin umano ang DOH sa mga taga-DepEd at mga LGU para tulungan ang pagbabakuna sa naturang mga paaralan.
Ito’y matapos aprubahan ang resolusyon mula sa Inter-Agency Task Force for the Management of Emerging Infectious Diseases (IATF-EID).
Nakasaad dito, na ang inoculation sa mga paaralan ay magbibigay ng pagkakataon sa mga bata na mabakunahan, pero dapat may pahintulot sa mga magulang, maging ng approval mula mismo sa mga estudyante, alinsunod sa DOH guidelines.
