LEGAZPI – Kinumpirma ng Commission on Election Bicol na hindi kinakailangan ng Vaccination card sa loob ng polling precinct sa eleksyon.
Ito ang inihayag ni Comelec Bicol Regional Director Atty. Maria Juana Valeza sa pahayag ng Brigada News FM Legazpi na hindi kailangan ng Vaccination Card sa loob ng presinto at magdala lang ng identification card kung kinakailangan.
Aniya, meron din naman na temperature check sa loob ng presinto at kung lumampas man sa 37.5 pataas ang temperature ng botante ay kinakailangan na i-isolate ang ito upang bumaba ang temperatura.
Samantala, matatandaan, sinabi ng ahensya na patuloy ang kanilang koordinasyon sa mga ahensya de gobyerno upang magkaroon ng maayos na resultang eleksyon.
