“Indi dapat magkahad-eok” raya ro paglinaw it Commission on Human Rights (CHR) Region 6 sa pihak it uwa pagtalakay it kinamatarong it tawo sa State of the Nation Address ni Pangulong Ferdinand “Bongbong” Marcos Jr.
Base kay Atty. Jonnie Dabuco, CHR-6 director, bisan uwa segun it gingamit nga phrase or term angot sa human rights, bukon it ibig sabihin nga ro gobyerno, presidente o ro sangka administrasyon hay uwa eun it programa nga may kaangtanan sa pagkilaea it kinamatarong it kada Pilipino.
Matandaan nga ro SONA it pangulo sa kabioegan hay nakatutok sa pagpabaskog it ekonomiya it nasyun, kaeakip it pagsiguro it seguridad sa pagkaon.
Base pa sa director, sa makarayang paagi, ginasabat man it Pangulo ro kinamatarong it tawo bangud ro kalayaan sa gutom hay sambilog ka kinamatarong it kada indibidwal./JIL B. LACSON
