Lumobo pa sa P15.35 Trillion ang utang ng Pilipinas sa pagtatapos ng May 2024 ayon sa Bureau of Treasury.
Mas mataas ito ng P330.39 Billion o 2.2% kumpara sa P15.2 Trillion nitong Abril.
Isa sa nakikitang dahilan ng Bureau of Treasury sa paglobo ng utang ng Pilipinas ay ang pagbaba ng piso kontra dolyar at ang patuloy na pangungutang sa labas ng bansa.
Mula sa nasabing halaga, P10.44 Trillion ang domestic debt o yung utang sa loob ng bansa habang P4.9 Trillion ang external debt o utang sa labas ng Pilipinas.
