TUGPA sa bilangguan ang usa ka sundalo human kini gialigahang nanghilam sa pribadong bahin sa lawas sa usa ka babaye samtang nagsakay sa Rural Transit Bus, sa may Barangay Kulo Molave Zamboang del Sur, nga nahitabo kaniadtong nakalabay’ng adlaw.
Diin, naila ang biktima nga si Shane Dano Jumawan, 21 anyos, dalaga, estudyante sa kolehiyo sa Alfonso D. Tan College, sa may J. Luna St. Maloro, Tangub City Misamis Occidental, ug resident sa Purok 1 Barangay Poblacion Mahayag Zamboanga del Sur.
Samtang, naila usab ang naarestong sundalo nga si Nelson Monira Guillina, 47 anyos menyo, aktibong membro sa Philippine Army nga nakadestino sa 11th Division Patikul Jolo Sulu, nga nagpuyo sa Barangay Turno Dipolog City.
Sumala pa sa kapulisan nga nagsakay ang dalaga sa usa ka bus nga adunay bus number 106015,nga paingon sa Dipolog City, saysay sa biktima nga gihilam sa suspek ang iyang dughan.
Diin, pagnaug sa biktima sa lungsod sa Mahayag nagpakitabang kini sa kapulisan sa maong lungsod, nga miresulta sa pagkasikop sa suspek ug giturn-over gilayon kini sa Molave Municipal Police Station alang sa tukmang lakang sa salaod nga nahimo.-END
