NAGPADAYAG og pagkadismaya ang usa ka kompanya sa sakyanan sa Manila human nga wala na award kanila ang pagdaug nila sa biddding sa 17 ka ambulance para sa Local Government Unit sa General Santos City.
Sa dugang pagpanubay sa 89.5 Brigada News FM Gensan sa usa ka representative sa kompanya nga nagpaila lang sa pangalang Benjo wala gayod daw silay nadawat nga tubag sa ilang sulat kaniadtong Desyembre 3, 2020 hantud ilaha nalang gipasagdan.
Gidugang ni Benjo nga nadismaya sila sa nahitabo kay sa ilang bahin unfair kay nag-comply sila unya wala man violations o technicalities nganong dili i-award.
Gidugang ni Benjo nga standard ang ambulance sa taga Department of Health para sa Quick Response, aduna kini accessories ug medical equipment, ang regular price sa matag Unit naa sa P2.5 million pesos unya ilaha daw gipaubsan sa P2.2 million.
Gidugang ni Benjo nga dili lang siya mopangalan og tawo sa sulod sa City hall apan gi-estorya sila nganong moapil pa man sila sa bidding.
Kahibaluan nga gitubag na sa labaw sa Special BAC ang isyu ug sumala niini nga sa ilang bahin aduna na silay resolusyon human sa husto nga proseso sa bidding ug ang papelis ilaha na submit sa Head of Procuring Entiry kun HOPE.
Natubag na usab ni City Administrator Atty. Arnel Zapatos ang isyu ug sumala niini nga naabtan sa pandemya mao nga wala mosibog ang proseso unya ang pondo gikan sa DRRM nakulang tungod sa Anti Covid Response, natubag na usab nila ang reklamo sa 8888. ( Ver Diazon)
Photo for Illustration purpose only
