GISILBI sa kapulisan sa Alabel ang usa ka kamandoan sa korte nga dakpon ang usa ka akusado sa kasong estafa.
Subay sa report sa Alabel Police Station ang ilang gidakop mao si Albert Cagang, 32-anyos, ulitawo nga taga Purok 8-A, Poblacion Alabel, Sarangani Province.
Subay sa kamandoan sa korte nga permado ni Hon Judge Catherine Velasco Supeda sa RTC Branch 50 ang kaso sa akusado mao ang Syndicated Estafa ilawom sa article 315 Phase 2 sa Revised Penal Code may kalabotan sa Presidential Decree 1689.
Wala usab pyansa nga girekomenda ang korte alang sa temporaryo nga kagawasan sa akusado,gisilbi ang kamandoan sa korte Abril 22, 2023. I Ver Diazon
