Agad na nagpadala ng rescuer si US President Joe Biden para tumulong sa rescue operation sa mga biktima ng magnitude 7.8 na lindol sa Turkey.
Ayon sa report, agad na tumawag si Biden sa kanyang Turkish counterpart na si Recep Tayyip Erdogan at tiniyak na handa ang America na magbigay ng lahat ng kailangang tulong.
Kaugnay nito, inihayag ng White House na ang US teams ay magbibigay ng suporta sa Turkish search and rescue efforts at magko-coordinate para sa mga kinakailangang assistance.
Hindi naman inilabas ng White House ang detalye kung paano at kailan makakarating sa Turkey ang US teams. (INDIAN PRESS PHOTO)
